可可店 (綠店)

【商戶資料 / Shop Information】
店名: 可可店
類別: 飲食
詳細分類: /
地址: 西環堅尼地城卑路乍街136-142號聯威新樓地下E及F舖

原因:
【只屬傳言 / Hearsay ONLY】
網友1報料指：
話說3/12，一行三人做完運動飲咗2罐蛋哥最愛嘅1664後，大約凌晨3點半左右，因為口痕又冇手所以走咗入去幫襯咗十鳩幾年嘅西環港大之友名物可可店。可能因為太夜所以佢淨係開近爹核士街嗰邊，咁我哋三支公就即刻坐咗喺第二個block中間張大檯，個屎忽仲感受到上一手屁股留喺夾心木凳嘅餘溫，證明咁撚夜間嘢都仲係好撚好生意。食撚咗咁多年，所以唔洗睇餐牌都知叫乜。高大Gel頭哥哥仔走嚟落單，朋友叫咗2碗餐蛋麵，我就叫咗個平面立方（因為1664啲泡頂住個胃所以冇叫腸粉加蛋）。食物嚟撚到，我哋10點鐘方向張檯多撚咗3個地盤佬，啲譚仔阿姐口音一聽就知道佢哋藍到仆街，佢哋落單後就冇再講嘢繼續睇CCTVB，所以唔鳩理佢哋。2點鐘方向突然坐咗個著風褸四眼，背影貌似休班狗嘅男人。落單阿姐（可可得一個舊阿姐，如果大家認得，好撚大聲嗰個）突然主動拖住地走埋去水吹，一開口兩條仆街d對話難聽過粗口。

疑似休班狗：你哋依排啲生意一定好差啦，班人周圍搞事。
阿姐：係囉，差咗好多，你睇吓個場都冇人。
（大佬凌晨3點半啦，坐爆你第二個block你偷笑啦）
疑似休班狗：嗰班學生呀嘛，搞亂曬個香港。
阿姐：係囉，又打爛曬啲嘢，周圍破壞，又汽油彈又磚。
(當時我咬住嚿立方)
疑似休班狗：嗰班人冇㗎啦，以後一定冇前途。出到嚟做嘢都唔會有人請佢哋。
阿姐：（興高采烈）抵死呀。我都知呀，佢哋入曬黑名單㗎啦，啲老闆唔會再請佢哋。
疑似休班狗：睇吓邊屆啲學生囉。搞事嗰屆囉。仲話自己大學生，冇㗎啦，個香港斷層㗎啦，冇咗依一代人，成代冇咗。
阿姐：都係個政府衰（以為佢會理性屌政府），應該一早打壓佢哋，都唔明點解唔一開始就拉曬佢哋，打死曬佢哋，嗰啲掉汽油彈㗎。
……
（喺依個moment，我已經忍唔住將嚿立方由喉嚨扣番出嚟，同班frd講走啦，食唔落）

已經再聽唔到落去，而我哋被疑似藍絲群包圍，為免出現龍潭之戰，又怕休班狗伸出佢有時短有時好短嘅警棍，都係收口暫時唔屌佢（我認我廢）。屌低1舊水，走了，以後唔撚食，898！臨出門口嗰陣同Gel頭哥哥講咗聲，聽日開始生意會仲差㗎啦。走嗰陣拍照留念，幫你宣傳一吓！

PS. 小弟自細在西環長大，幼年曾誤中陷阱經母校家教會加入咗啲建制組織做嘢（相信好多母校兄弟姐妹都試過，而家後悔到想自刎），知道西環其實一直都被建制所佔，商政一路狼狽為奸（好多黑箱作業），所以堆積住好多藍店。區選後，在政方面成功光復咗西環，但好多藍店仍然存在，有啲可能平時唔出聲，但閂埋門就屌鳩學生，支持警暴。好似依間可可店，平日同大學生扮曬frd，賺盡大學生一分一毫（堂食最多都係免費送豆漿），將港大學會合作嘅感謝狀貼滿內牆宣傳，仲發到你租埋隔離幾間鋪，暗地裡就屌鳩學生，仲話要打死佢哋，簡直係食人血饅頭之首領。希望大家今後除咗幫襯黃店之餘，亦要將無良藍店從平行世界挖掘番出嚟，然後斬草除根，將建制連根拔起。#光復香港 #時代革命

【官方資訊 / Official Information】
最新消息：
可可店負責人已澄清事件，並張貼於鋪外。雖然負責人闡述與本人所陳述的事實不符，當中提及“攻擊”學生字眼確實存在於該兩名人士對話中（當時沒有錄音，證據也無從稽考），不過本人認為負責人將該員工先停職（調查）做法值得尊重，政府亦應以此為鑑解決警暴問題。同時本人亦認同禁止員工在工作期間發表個人政見的做法。

黃藍之異產生的政治分歧絕對是個人自由取向所為，但現今問題其實並非只涉及政治立場，更甚接近道德觀以及人性的差異。如果當天的對話並非涉及誣捏、敏感及暴力字眼，本人絕對不會挑剔該店的立場。希望各人雖有不同意見，但請以合理邏輯分析及使用合理字眼尊重自己擁有的言論自由。

本人長期支持民主抗爭，在實在的思想教育下表達自己的立場，但同時絕對接受社會有不同聲音，或有靜音的人。就此希望各位手足堅定立場之餘，努力宣揚民主自由的聲音，令反對者、陌路者、沉默者一同醒覺。

恕本人暫時未能放下對該店員工留下的印象，抱歉本人暫不再光顧該店。本人一直只作事實陳述，並表達個人立場以及感受，各位手足可以自行決定接受與否。亦希望負責人做到對街坊的承諾，與之和平同行；
店外設連儂牆

【只屬傳言 / Hearsay ONLY】
網友2報料指：
多休班狗去食有時成架車拍出面買啲姐姐都認得同友善對啲黑警
但係好撐HKU 多大學生去算中立定藍
絕對唔可以講發夢野!!!

網友2報料指：
可可店員有黃有藍㗎，店員都好nice, 好少發表偉論

網友3報料指：
已直接詢問老闆的政治取態，更容許在該店店面貼上行動文宣。有員工累街坊，在店裏抱怨自己遲到是因為遊行的時候，被大學生們聽到，並產生誤會令其他大學生沒有來光顧，並不代表店裏老板和其他員工的立場。目前已和老板和員工們傾過，並且表示是支持我們的。該名累街坊的員工到目前還沒有上班。

網友4報料指：
10月4號，幪面法實施前一晚，手足係堅尼地城遊行，可可店即刻落閘熄燈，防止手足入去可可店。

網友5報料指：
指店員又屌鳩學生搞亂社會，阻住佢做生意。仲話政府廢，應該一早就打壓落黎，打死Ｄ學生。

網友6報料指：
話說我係早幾日開左個story叫大家比次機會可可
唔係覺得佢係一間大黃店想大家去大排長龍
而係我知道可可背後都做左好多野
比起其他既黃餐廳可能只係張單加句香港人加油就比人吹捧去懲罰
可可做得更多

佢可以唔係大排長龍但我認為不至於要去到罷食
原因如下
1. 佢地希望同學生對話，考慮學生意見（包括唔做狗生意呢個要求）
2. 設置連儂牆
3. 向學生提供優惠，支持學生。例如128遊行日免費一飯一飲品，黎緊半個月學生埋單都係半價
4. 老闆係個6x歲既婆婆，對呢場運動應該都無咩深既認識，但你肯講佢就肯聽
5. 個藍阿姐已經俾人炒左，而可可都仲有好多黃員工
就我而言黃色經濟圈係有長遠目標
想抵制中資撐起本土經濟
雖然黃色經濟圈漸成雛形但依家係香港根本冇一套正式黃店評分制度亦冇一個清晰界限
我自己係黃圈入面係冇要求黃店既員工都一定要係黃我先去幫親有幾多係和你eat既app入面既黃店
係可以肯定全部員工老闆都係黃?
要分黃藍店只可以流於表面睇佢既行動常見既就係連儂牆文宣提供物資支援官方表態等
可可都有做到其中既野唔明點解要全盤否定
有人話佢轉軚係偽黃
退一萬步講就算可可真係一間藍店佢係咪唔可以轉黃? 黃圈係冇可能只靠新店去擴大點都一定會有店係藍轉黃我唔明點解有更加多同路人加入大家唔可以用寬容嘅態度畢竟冇可能所有店都係由6月開始就表態話我係黃
我只係想比個機會可可轉成黃唔係鼓吹大家去食多啲只不過不至於罷食
以黃店既standard 可可做既比我想要既多
同埋事頭婆肯直接打比我詢問我意見
佢已經係一個6x歲既婆婆正如我教唔識我公公婆婆咁我知道要教佢民主呢個概念係有困難
係叫佢一聲廢佬好簡單但係唔係一句廢佬就可以dismiss晒成件事
呢場運動仲肯聽人講野既非黃者都係值得比機會
革命唔係請客食飯係流如水
絕對唔係少少走盞位都冇
我唔強求佢老人家都要同我出去抗爭打生打死
但佢比既支持我已經覺得夠

(Admin一手：可可真係超多警察去食...仲會去食既手足請注意言論)

Source:
https://bit.ly/2E0dGpc
https://bit.ly/2RunL5P
http://bit.do/fx9W3
相關圖片:
/